College Ka Pyar True Love Story - Hitesh

Hi friends my self Hitesh, meri love story kuch aisa hai ki usme shayad meri hi galati mujhko lagti hai, aap log plz mujhe suggestion dena. mein college 2008 mein join kiya. meri tabiyat kharab hone ke karan mein august ko college join nahi kiya. mein november ko college gaya. mein pehle mere city se door mere mama ke ghar par school ki padhai karta tha, aur mere mom dad soche ki ab mein unke sath reh kar college karoon. toh mein jab college gaya toh hamare city ke ladke bhi mujhe nahi pehchante the.

Mene college late mein join karne ke liye apne collics se pehle ragging khaya. uske baad senior log karne aaye aur mujhko bahut ragging kiye. fir jab class start huwa to sir log bhi thoda bahut kaha. pehli baar mene us ladki ko dekha woh bhi ek aise halat mein jo kisi bhi ladke ka hosh ud jayega. jab class chal raha tha tab mein pichhe mud kar dekha ki ek ladki apni aankh me kuch pad jane ke karan aankh khuja raha tha ek khula tha aur ek aankh band.

Mene socha yeh ladki mujhe aankh kyun maar rahi hai, fir baad mein pata chala ki woh aankh khuja rahi thi. woh bhi mujhe dekh kar hasne lagi. aise hi class khatam ho gaya. fir principal ka period tha, principal aaye aur mujhe dekha aur bola Hitesh tum aa gaye college, aaj tumhara college pehla din kaisa raha, tab sare student shock ho gaye, mein usi sahar ka MLA ka beta hoon. mein mama ke ghar par hamesha rehta tha isiliye hamare sehar ke log bhi mujhe nahin pehchaan te the.

Us ladki ne class khatam hone ke baad mujhe bahut ulat ulat kar dekh rahi thi. uske dost log mujhse baat karte the par woh mujhe aur mein use kabhi baat nahin kiya. uss ladki ka naam Prabhati hai, log use munni ke naam se pukarte the. munni ke saath bahut baat sirf aankhon se baat hua lekin kabhi bhi baat nahin kiya. uske baad december mein chutti huwa aur mein mere ghar wale sab picnic pe gaye the aur wahan pe mera accident ho gaya.

mein january 25 tak college nahin gaya. mere local ladki dost munni aur sir ko bole ki hitesh ka accident ho gaya hai. toh mein jab january 25 ko college gaya to jab munni pehli baar dekha toh uske aankhon mein ansoo chala aaya. mein college mein accha padh raha tha, toh har claas ke 1st ya second aata tha par uss saal, mera tabiyat kharab hone ke karan sirf 75% marks hi laya aur class ke dusre hi jagah pe aaya. par munni kabhi bhi 55% se jyada nahin laya tha, toh usne mera 75% ko sun kar bahut khus thi.

Me soch raha tha ki mein february 5 ko jaroor bata dunga, par feb5 ko munni ke papa munni ko hostel se discharge karke le gaye the, kyun ki meri aur munni ki baat sare college ko pata chal gaya tha aur hostel ke munni ki koi cosin sister munni ke ghar walon se phone kar diya tha, uss din mein use bata nahin paya, final exam march 25 ko tha, jab woh exam dene aayi toh woh fir ek baar mujhe dekh kar ro padi, mene socha ki munni mujhe pyar nahin karti hai is liye woh mujhe dekh kar ro rahi hai.

Mene usse fir kabhi propose nahin kiya, sirf use door se dekhta hi rehta tha, mein 100% janta tha ki munni mujhe pyar karti hai fir bhi use kabhi bata nahin paya, mere ek ladki dost ne bhi bola ki munni tujhe pyar karti hai, mene fir bhi use bata nahin paya kyun ki mere papa uss area ka bahut hi respectable insaan the, agar college mein kuch ho gaya toh unka ijjat chala jayega,

fir second year ko meri sister ne college join kiya, to munni ne meri behan se rista jod diya, meri behan ke dost hone ke nate meri behen ki birth day party mein munni mere ghar pe bhi aayi thi, wo mujhko dekh kar bahut sarma rahi thi, wo mere room par aayi thi aur mera note bhi dekh rahi thi, tab woh ek note paya usme mein i love you M, likha tha, to wo bahut khus ho gayi, agale din usne mere liye hostel mein chocolate bheja tha, meri sister ke haton se, par mujhe chocolate pasand nahin tha toh mein use apne dost ko de diya. to wo yeh dekh kar socha ki mein use pyar nahin karta,

mene bahut baar use batane ki kosis ki par bata nahin paya, kyun ki ab toh woh mere sister ki dost ban gayi thi, mere behan aur woh ghanton phone mein baat karte the, munni mere mom se bhi phone pe baat karti thi, mere papa kabhi kabhi ghar par hote hai jab hote hai mujhko bahut accha lagta hai, mein bachpan se unke sath free mein baat karna chahta tha, lekin kabhi bhi papa ke sath 2 ghante akele mein baat naihin hui,

mere papa muje bahut pyar karte the, woh mere liye college ko fund bhi dete the. munni ko mein aaj propose karne jaunga junga keh kar kabhi propose nahin kar pay. +2 khatam ho gaya. mein aur meri bahan aaj delhi mein buwa ke saath hai. munni ka phone number nahin hai ya aaj uska pata ya woh kahan par hai mujhe nahi pata, usko last time mein 15 july 2010 ko dekha tha, na jane woh aaj kis halat mein hai, haan mein aaj jaroor bolunga ki woh aaj bhi mujhse pyar karti hai aur mein uss pyar naam ki ehsash ko zindagi bhar nahin bhool paunga,

Mein bas yeh duwa karta hoon ki woh aaj jahan kahin bhi hai bahut khoosh mein rahe, mein zindagi bhar usse hi pyar karta rahunga par use kabhi bata nahin paunga, agar bata bhi diya hota toh mere papa shayad kabhi accept nahin karte, mein mera papa ko dukhi dekhna nahinn chahta. i love my mom dad, so i sacrifice my love, god bless munni, mein bas uske liye bas itna duwa mangunga ki use achha pyar karne wala mil jaye aur woh mujhe bhool jaaye. i always love munni, mein use kabhi bhula nahin paunga...

Submitted By - Hitesh